АҚШнинг медаллари 105тага етди, терма жамоамиз эса 30-ўринда!

Америкаликлар бугун тонг саҳарда ўзаларининг Риодаги 105-медалларини қўлга киритишди. Ўзбекистон терма жамоаси эса иккита олтин, битта кумуш ва бешта бронза медали билан 31-поғонани эгаллаб турибди. Кеча терма жамоамиз боксчиларидан Шаҳобиддин Зоиров ва Фазлиддин Ғоибназаров финалга чиқиш баробарида камида кумуш медални нақд қилишди.

Кечаги кун мусобақаларидан сўнг АҚШ терма жамоасининг умумий медаллари сони 105тага етди. Шулардан 38таси олтин, 35таси кумуш, 32таси бронза медалларидир. Иккинчи ўринни Буюк Британия терма жамоаси банд этган. Уларнинг умумий медаллар сони 60тани ташкил қилмоқда. Олтин медаллар сони 24та, кумуш 22та, бронза эса 14тага етди.

Хитой терма жамоаси учинчи ўриндан жой олган. Чин юрти жамоаси 22та олтин, 18та кумуш, 25та бронза медалини қўлга киритган. Шу кунгача 57та давлат терма жамоалари камида бир нафар Олимпиада чемпионига эга бўлиб улгурган. Роппа-роса 70та терма жамоа ҳисобида эса камида биттадан кумуш медал бор. Саксон тўртта мамлакат терма жамоаси эса камида биттадан бронза медалига эга бўлиб турибди.

МЕДАЛЛАР ЖАМҒАРИШ. ТОП-10

1. АҚШ – 105 (38-35-32)

2. Буюк Британия – 60 (24-22-14)

3. Хитой – 65 (22-18-25)

4. Германия – 35 (14-8-13)

5. Россия – 48 (13-16-19)

6. Япония – 41 (12-8-21)

7. Франция – 37 (9-14-14)

8. Австралия – 29 (8-11-10)

9. Италия – 25 (8-11-6)

10. Голландия – 18 (8-6-4)

... 31. ЎЗБЕКИСТОН – 8 (2-1-5)