Арман Царукян: "UFC’даги жанг санам ва рақибим аллақачон тасдиқланган"

Асли арманистонлик аралаш яккакураш устаси шу йил UFC`даги фаолиятини якунлаган америкалик Колби Ковингтон билан гиламни бўлишади. Шундан сўнг Арман аллақачон тасдиқланган UFC жанги учун ўқув-машғулот йиғинини бошлайди.

"Тез орада менинг жангим эълон қилинади. Санаси ва вақти менга олдиндан айтилган. Сана ва рақиб аллақачон тасдиқланган. Катта эҳтимол билан, бир ҳафтадан сўнг Ковингтон билан бўладиган беллашув жанг олдидан менинг сўнгги кураш учрашувим бўлади", - деди Царукян Тбилисидаги RAF турниридан сўнг матбуотга берган интервьюсида.

Шунингдек, Царукян Жастин Гэтжининг ғалабасидан деярли олти миллион доллар ютиб олган бўлса-да, фаолияти нуқтаи назаридан Илия Топуриянинг енгил вазн тоифасида чемпион бўлиб қолиши унга фойдалироқ бўлишини тан олди.

"Гэтжининг ғалабаси менинг фойдамга эмас, чунки агар Топурия ғалаба қозонганида, жанг ўн баробар зўр бўларди. Топурия билан бизнинг тарихимиз бор ва жангимиз энг шов-шувлиларидан бири бўларди. Гэтжи эса аллақачон мағлуб бўлган учувчи", - дея қўшимча қилди Арман.

Хабарларга кўра, Арман Царукян UFC`даги навбатдаги жангини 19 сентябрь куни Лос-Анжелесдаги UFC 331 турнирида ўтказиши мумкин. Унинг эҳтимолий рақиби эса BMF чемпиони Чарльз Оливейра бўлади.