24 мар 12:23
Янгиликлар

Футбол

"Арсенал" 410 кун мобайнида иккита гол фарқи билан мағлуб бўлмаганди

Лондоннинг "Арсенал" жамоаси Англия Лига Кубоги финалида "Манчестер Сити"га икки гол фарқи билан ютқазди.

Маълум бўлишича, Англия чемпионати етакчиси охирги марта барча мусобақаларни қўшиб ҳисоблаганда бир йилдан кўпроқ вақт олдин — 2025 йилнинг февраль ойида, роппа-роса 410 кун олдин икки тўп фарқи билан имкониятни бой берган.

Қизиғи шундаки, бу айнан Англия Лига Кубогида содир бўлган ва "Ньюкасл" Микель Артетани ранжитган. "Арсенал" ва "Манчестер Сити" 18 апрель куни Англия чемпионати 33-турида учрашади.

Эслатиб ўтамиз, "шаҳарликлар" "Арсенал"нинг мусобақа жадвалидаги асосий рақиби ҳисобланади.