Артур Бетербиев: "Бу 10 кун хотирамда абадий қолади"

"Бир куни мен билан бир воқеа содир бўлган, бу менинг карьерамни деярли бошланмасдан тугашига олиб келиши мумкин эди.

Москвага, Олимпия захиралари мактабига ўқишга боргандим. Мактабнинг барча спортчилари сингари шифокорлар кўригидан ўтишни бошладим. Улар битта жуда ёқимсиз ташхисни аниқладилар. Бу билан профессионал равишда спорт билан шуғуллана олмасдим ва 70-80 ёшли қариялар касалхонасига бориб, қўшимча текширувдан ўтишим ва даволанишим керак эди.

Боксдаги ҳаётим шу тариқа тугашидан жуда хавотирда эдим. Бундан ташқари, буларнинг барчасини ёлғиз бошдан кечиришим керак эди. Мен онамни, қариндошларимни хафа қилишни хоҳламадим. Шунинг учун уларга ҳеч нарса айтмаганман. Фақат энг яхшисига умид қилдим. 10 кунлик муолажадан сўнг яна кўрикдан ўтдим. Хеч қандай касаллик йўқлиги маълум бўлди. Бу хато эди!  Ташхис қўйишда адашишганми ёки бошқа нарса - бу муҳим эмас. Муҳими, машғулотларга қайтишга муваффақ бўлдим.

Аммо, бу 10 кун хотирамда абадий қолади. Шунинг учун ҳамиша яхшиликка умид қилинг ва имкон борича спорт билан шуғулланинг", — деб ёзади Бетербиев ижтимоий тармоқларида.