“Asian Fight - 2017”: 30 август куни матбуот анжумани бўлиб ўтади

“Asian Fight - 2017” халқаро спорт турнири ташкил этилмоқда. Шу муносабат билан 30 август, чоршанба куни “Asian Fight - 2017” ташкилий қўмитаси барча ОАВ вакилларини матбуот анжуманига таклиф этади. Матбуот анжуманида “Asian Fight - 2017” ташкилий қўмитаси аъзолари яъни Ўзбекистон Пенчак силат федерацияси ва “Sunrise Entertainment” масъулияти чекланган жамияти рахбарлари билан турнирга оид тайёргарлик жараёни ва фахрий меҳмонларнинг ташрифига доир хабаралар ОАВга маълум қилинади.  30 август куни “Алишер Навоий” номидаги Ўзбекистон Миллий кутубхонасида соат 10:00 да бошланадиган матбуот анжуманига барча турдаги ОАВ вакилларини таклиф этамиз.

Шунингдек, Аккредитациядан ўтиш учун www.sunriseentertainment.uz сайтига кириб, аккредитация бўлимидан ўрин олган онлайн-аризани тўлдириш зарур бўлади. Шундан кейин турнир Ахборот хизмати вакиллари Сиз билан боғланади.

Аккредитациядан расман ўтиш учун онлайн-аризадан ташқари қуйидаги ҳужжатлар топширилиши керак:
- Иш жойидан расмий хат;
- аккредитациядан ўтувчи ходимнинг паспорт нусхаси;
- 4 дона рангли фотосурат (3х4)

Турнирни ёритишга рухсат бериладиган ОАВ сони чекланган:
- ҳар бир газета ва журналдан 2 нафар;
- ҳар бир радиостанциядан 2 нафар;
- ҳар бир интернет сайтларидан 2 нафар;
- ҳар бир телеканалдан 4 нафар ходим рўйхатдан ўтади.

Изоҳ: Ўзбекистон ҳудудидаги барча мустақил журналистлар ва блоггерлар ҳам аккредитациядан ўтишлари мумкин.
 
Аккредитациядан ўтиш жараёни 1 сентябр кунига қадар давом этади.
Батафасил маълумот учун: Жамшид Ҳожиакбаров (+99890188-64-44)


“Asian Fight - 2017”  Ахборот хизмати