“Asian Fight - 2017”: Маҳмуд Муродов Тошкентда!

Унда 8 нафар ҳамюртларимиз жаҳоннинг кўзга кўринган спортчиларига қарши рингга чиқадилар. Жумладан, 86 кг вазндаги жангчимиз Маҳмуд Муродов озарбайжонлик Магами Байрамов билан беллашади. Кеча Маҳмуд Чехия давлатида ўтказилган бир ойлик тайёргарликдан сўнг пойтахтимизга учиб келди ва шу куннинг ўзидаёқ “Asian Fight - 2017” ахборот хизматига интервью берди. Бундан ташқари, Маҳмуд иштирокида кўрсатув суратга олинди.

“Мен ушбу турнирга жиддий тайёрландим. Чехияда бир ой мобайнида машғулотларни ўтказиб, спорт формамни анча яхшилаб олдим ва якуний тайёргарликни ўташ учун Ватанимга қайтиб келди. Рақибим ҳақида барча маълумотларга эгаман. Шу боис бўлса керак, бундан асло саросимага тушаётганим йўқ. Албатта, бўлажак жангда зафар қучаман. Ота-онам, халқим ва мураббийларимнинг ишончини оқлайман. Уларнинг дуолари менга куч бағишлайди. Бизни қўллаб-қувватлаш учун барчангизни “Бунёдкор”да кутамиз", - деди Муродов.

Турнир олдидан Махмуд Муродовга фақат ғалаба ёр бўлишини тилаб қоламиз. Бир неча кундан сўнг у билан уюштириладиган суҳбатни эътиборингизга ҳавола этамиз.

“Asian Fight - 2017” Ахборот хизмати