"ASIAN FIGHT-2017": Ўзбекистонлик спортчилар иштирокида йилнинг узоқ кутилган жанг оқшоми бўлиб ўтди

Ушбу жанг оқшомида 8 нафар ўзбек спортчиси иштирокида жанглар ташкил қилинди.

Жангларда натижалар қуйидагича кўриниш олди:

Кечанинг илк жангида Аюбхон Камолов ҳиндистонлик Викаш Даҳияни нокаут эвазига мағлуб этди.

Улуғбек Умаров эса афғонистонлик Абдул Сами Фаизига биринчи раунддаёқ имкониятни бой берди.

Исроилжон Расулов Сингапурдан ташриф буюрган Муҳаммад Каирини нокаут эвазига мағлубиятга учратди.

Кечанинг тўртинчи жангида Муҳаммадали Тоштурғунов қирғизистонлик Бектур Мангиевдан очколар ҳисобида устун келади.

Ҳасанхон Баратов россиялик Михаил Колдоркинга қарши муросасиз жангда нокаут эвазига устун келди.

Оғир вазнли спортчимиз Жасур Мирзамуҳаммедов кипрлик Вартан Апарианни ўзининг аниқ зарбаси эвазига нокаутга учратди.

Аҳлиддин Мирзадавлатов эса мухлисларга томошабоп жанг уюштириб берди ва қозоғистонлик рақибини нокаутга учратди.

Кечанинг сўнгги жангида эса таниқли спортчимиз Маҳмуд Мурадов озарбайжонлик Зия Мирзаевни биринчи раунддаёқ нокаутга учратиб, навбатдаги ғалабани қайд этди.