18 июл 11:18
Янгиликлар

Дзюдо

Асосий таркибга ёрдам берган дзюдочиларимиз "миссия"ни бажаришди + ФОТО

Хабарингиз бор, дзюдо бўйича Ўзбекистон терма жамоаси Япониянинг Киото префектурасида жойлашган Майдзуру шаҳрида Токио Олимпиадасига якуний тайёргарликни давом эттираётган эди.

Кунига икки маҳалдан ўтказилаётган машғулотларда Олимпия ўйинларида юртимиз шарафини ҳимоя қиладиган дзюдочиларимизга терма жамоамизнинг бошқа аъзолари ёрдам бераётганди. Бугун ушбу "миссия"ни шараф билан уддалаган бир гуруҳ дзюдочиларимиз Майдзуруни тарк этишди ва айни шу дақиқаларда Ўзбекистонга қайтишмоқда.

Майдзуруликлар юқори меҳмондўстлик билан дзюдочиларимизни кузатиб қўйишди. Асосий таркиб эса эртага Токиога жўнаб кетади.