18 июл 09:29
Янгиликлар

Теннис

Астана “Фьючерс”. Теннисчиларимизнинг иккинчи даврадаги рақибалари маълум

Қозоғистоннинг Астана шаҳрида теннис бўйича “Фьючерс” туркумига кирувчи нуфузли турнирнинг асосий тўр баҳслари давом этмоқда.

Мукофот жамғармаси 80 000 АҚШ долларини ташкил қилувчи ушбу мусобақада мамлакатимизнинг етакчи теннисчиси - Сабина Шарипова, Нигина Абдураимова ва Оқгул Омонмуродова ҳам иштирок этяпти.

Хабар берганимиздек, кеча уччала теннисчимиз ҳам илк даврада рақибаларини мағлубиятга учратишганди. Куннинг иккинчи ярмида уларнинг иккинчи босқичдаги рақибалари ҳам маълум бўлди.

Турнирнинг биринчи ракеткаси сифатида ҳаракат қилаётган Сабина Шарипова чорак финал чиптаси учун туркиялик Берфу Ченгизга, олтинчи рақам остида таснифланган Нигина Абдураимова россиялик Варвара Флинкка, Оқгул Омонмуродова эса турнирнинг бешинчи ракеткаси грузиялик Екатерина Горгодзега қарши кортга чиқади.