18 ноя 09:13
Янгиликлар
Теннис
ATP Якуний турнири. Димитровда ҳам Федерер сингари юз фоизлик натижа
Хабар берганимиздек, Англиянинг Лондон шаҳрида ўтказилаётган теннис бўйича ATP Якуний турнири ўзининг ҳал қилувчи палласига кирди.
Лондондаги O2 Arena корти мезбонлик қилаётган, соврин жамғармаси 7 миллион долларни ташкил қилувчи ушбу турнирда гуруҳ босқичи якунланиб, ярим финал иштирокчилари маълум бўлди.
Гуруҳ босқичининг сўнгги учрашувида болгариялик Григор
Димитров испаниялик Пабло Каррено-Бустани икки сетда ҳам бир хил 6:1 ҳисобида
мағлуб этди. Дунёнинг олтинчи ракеткаси бўлган Григор гуруҳнинг уччала
учрашувида ҳам ғалаба қозонди.
Иккинчи гуруҳда худди шундай натижани дунёнинг иккинчи ракеткаси швейцариялик Рожер Федерер қайд этганди. 2017 йилги теннис мавсумини якунлаб берувчи ушбу нуфузли мусобақада дунёнинг энг кучли саккиз нафар ракетка усталари бош мукофот учун баҳс олиб боришяпти.
Ҳавола :
Фикрлар