19 ноя 08:21
Янгиликлар
Теннис
ATP Якуний турнирининг финали Федерерсиз ўтади
Англиянинг Лондон шаҳри мезбонлик қилаётган теннис бўйича ATP Якуний турнирида ярим финал учрашувлари ўтказилди.
Лондондаги O2 Arena корти мезбонлик қилаётган, соврин жамғармаси 7 миллион долларни ташкил қилувчи ушбу турнирнинг финали ғолиблик учун асосий даъвогар бўлган швейцариялик Рожер Федерерсиз ўтадиган бўлди.
Дунёнинг иккинчи ракеткаси финал чиптаси учун кечган
баҳсда бельгиялик Давид Гоффинга кутилмаганда ютқазиб қўйди. Бир соату 45
дақиқа давом этган учрашувда Гоффин 2:6, 6:3, 6:4 ҳисобида зафар қучди.
Эътиборлиси, Давид фаолиятида илк бор Рожерни мағлуб
этишнинг уддасидан чиқди. Бундан аввал теннисчилар ўртасида ўзаро ўтказилган барча
олти учрашувда Федерернинг қўли баланд келган эди.
Ярим финал
Давид Гоффен (Бельгия, 7) – Рожер Федерер (Швейцария, 2) 2:6, 6:3, 6:4
Ҳавола :
Фикрлар