ATP “йил камбэк”ини эълон қилди

Бу сафар Халқаро теннис федерацияси эркаклар ўртасидаги турнирларда амалга оширилган “камбэк”лар бешлигини ошкор қилди. Яъни учрашув давомида мағлубиятга учрай туриб, иродали ғалабага эришилган ўйинлар рўйхати тақдим этилди.

Рўйхатнинг биринчи поғонасига британиялик Энди Маррей ҳамда германиялик Филипп Кольшрайбер ўртасидаги учрашув лойиқ кўрилди. Бу икки теннисчи ўртасидаги Дубай турниридаги баҳсда Маррей 7та матч-болни йўққа чиқара олган эди. Айнан мана шу учрашув “Йил камбэк”и деб топилди.  

“Йил камбэк”и. Кучли бешлик

1. Дубай. Чорак финал. Энди Маррей (Буюк Британия) – Филипп Кольшрайбер (Германия) - 6:7 (4:7), 7:6 (20:18), 6:1. Маррей 7та матч-болни бартараф этиб, якунда ғалаба қозонди.

2. Монреаль. Иккинчи давра. Гаэль Монфис (Франция) – Кеи Нисикори (Япония) - 6:7 (4:7), 7:5, 7:6 (8:6). Гаэль 4та матч-болни бартараф этиб, якунда ғалаба қозонди.

3. Монте-Карло. Учинчи давра. Альберт Рамос-Виньолас (Испания) – Энди Маррей (Буюк Британия) - 2:6, 6:2, 7:5. Учинчи сетда 0:4 ҳисобида ютқазаётган Альберт якунда ғалабага эришди.

4. Париж. Иккинчи давра. Жек Сок (АҚШ) – Кайл Эдмунд (Буюк Британия) - 4:6, 7:6 (7:4), 7:6 (7:5). Учинчи сетда Сок 1:5 ҳисобидаги мағлубиятни якунда ғалабага пйлантира олди.  

5. Доха. Ярим финал. Новак Жокович (Сербия) – Фернардо Вердаско (Испания) - 4:6, 7:6 (9:7), 6:3.

Марракеш. Финал. Борна Чорич (Хорватия) – Филипп Кольшрайбер (Германия) - 5:7, 7:6 (7:3), 7:5. Новак ва Борна 5тадан матч-болни бартараф этиб, якунда ғалабага эришишди.