АТР Cup. Испания терма жамоаси Сербияни мағлуб этиб, ярим финалга чиқди

Биринчи ўйинда Пабло Карреньо-Буста Филипом Крайиновични  6/3, 6/4 ҳисобида мағлуб этди. Иккинчи учрашувда Роберто Баутиста-Агут Душан Лайовичдан устун келди - 6/4, 6/1.

Жуфтликлар баҳсида Сербияга қимматли ғалабани Никола Качич ва Матей Шабанов олиб келди. Улар Педро Мартинес ва Алберт Рамосни 6/7 (5), 6/3, 10/5 ҳисобида мағлуб этишди.

Шу тариқа, сербияликлар «А» гуруҳида учинчи ўринни эгаллаб, турнирни тарк этишди. Испания терма жамоаси эса ярим финалга йўл олди ва у ерда Польша терма жамоаси билан кураш олиб боради.