Жавоҳир Синдаров тўртта босқичли Grand Chess Tour турниридаги иштирокидан қанча мукофот пули ишлаб олди?

Синдаров дунёнинг кўзга кўринган гроссмейстерлари қатнашган турнирдаги ўн кунлик иштирокидан 42 500 АҚШ доллари миқдорида мукофот пули ишлаб олди. Қўшимча кўрсаткичларга кўра Жавоҳир билан Топ-3`дан жой олган германиялк Винсент Кеймер ҳам 42 500 долларга эга бўлди. Иккинчи ўрин соҳиби ҳиндистонлик Рамешбабу Праггнанандҳа 77 500, чемпион Уэсли Со 87 500 долларга бойиб олди. Энг сўнгги ўринни эгаллаган нидерландиялик Йорден ван Форест ўз ҳисоб рақамига 10 000 АҚШ долларини қўшиб қўйди. 

Ҳамюртимиз Grand Chess Tour турнирининг умумий тўртта босқичидан 170 458 доллар мукофот пули ишлаб олди. Бу борада у тўртинчи бўлди. Бу борада энг катта мукофот пули Винсент Кеймерга тегишли - 220 187 доллар! Уэсли Со 205 626, Рамешбабу 204 354 АҚШ долларига эга чиқди. 

Афсуски, Жавоҳир Синдаров ярим балл етмай қолгани ортидан Grand Chess Tour турнирининг ҳал қилувчи финал босқичига йўлланмани қўлга кирита олмади. Сўнгги йўлланма Винсент Кеймерга насиб этди.