21 янв 14:13
Янгиликлар

Теннис

Australian Open. Истоминни мағлуб этган теннисчи чорак финалга чиқди

Австралиянинг Мельбурн шаҳрида “Катта Дубулға” туркумига кирувчи Australian Open-2018 мусобақаси давом этмоқда.

Мамлакатимизнинг биринчи рақамли теннисчиси Денис Истоминни иккинчи даврада мағлуб этган Кайл Эдмунд ғобилона юришини давом эттирмоқда. Бу сафар дунёнинг 49-ракеткаси ATP рейтингида 76-поғонасидан жой олган италиялик Андреас Сеппига қарши кортга чиқди.

Икки соату 57 дақиқа давом этган баҳсда 23 Эдмунд ўзидан 10 яшарга катта Сеппидан 6:7(4), 7:5, 6:2, 6:3 ҳисобида устун келди. Энди британиялик ракетка устаси ярим финал остонасида болгариялик Григор Димитров билан тўқнаш келади.

Эслатиб ўтамиз, Кайл Эдмунд 1 соату 37 дақиқа давом этган Австралия Очиқ чемпионатининг иккинчи давра учрашувида Денис Истоминни ортиқча қийинчиликсиз 6:2, 6:2, 6:4 ҳисобида мағлуб этган эди.