21 янв 13:40
Янгиликлар
Теннис
Australian Open. Истоминнинг 1/8 финалдаги рақиби ким бўлади?
Хабар берганимиздек, бундан бир неча дақиқа аввал ҳамюртимиз Денис Истомин Мельбурн шаҳрида давом этаётган Австралия Очиқ чемпионатидаги учинчи ғалабасини тантана қилганди.
Мамлакатимизнинг биринчи ракеткаси дунёнинг 31-ракеткаси испаниялик Пабло Каррено Бустани беш сет натижасига кўра мағлуб этди. Роппа-роса 3 соату 30 дақиқа давом этган баҳсда Истомин кучли рақибини 6:4, 4:6, 6:4, 4:6, 6:2 ҳисобида енгди.
Истоминнинг 1/8 финалдаги рақиби ким бўлиши кўпчиликни қизиқтириши табиий. Франциялик Ришар Гаске ва болгариялик Григор Димитровдан бири ҳамюртимизга рақиблик қилади. Бу учрашув тахминан икки соатлардан сўнг бошланади.
Таққослаш учун, Димитров дунё рейтингида 15, Гаске эса 18-ўринни эгаллаб турибди. Истомин эса 117-поғонадан жой олган. Лекин рейтинг нисбий ҳолат эканлигини Истомин аввалги учрашувларда исботлади.
Ҳавола :
Манба : olamsport.com
Фикрлар