18 янв 09:32
Янгиликлар

Теннис

Australian Open. Шарапова 15-ракеткани мағлуб этиб, 3-даврага йўл олди

Россиялик теннис маликаси Мария Шарапова Мельбурнда давом этаётган Австралия Очиқ чемпионатининг учинчи даврасига чиқди.

Дунёнинг 48-ракеткаси бўлган 30 ёшли Шарапова иккинчи босқич учрашувида латвиялик Анастасия Севастовага қарши кортга чиқди. Бир соату 23 дақиқа давом этган баҳсда Маша дунёнинг 15-ракеткаси 6:1, 7:6 (7:4) ҳисобида мағлуб этди.

Шарапова учрашув давомида тўрт бор эйс зарбани амалга оширди. Севастовада эса эйслар сони битта бўлди. Россиялик теннисчининг нимчорак финал босқичидаги рақибаси Анжелика Кербер - Донна Векич учрашувидан сўнг маълум бўлади.