Аёллар терма жамоамиз ҳам Хорватияда йиғин бошлади + ФОТО

Нелля Киямова мураббийлигидаги дзюдочи қизларимиз бунгача Словакияда ўн кунлик йиғин ўтказишган эди. Энди машғулотларга бир ҳафта давомида Адриатика денгизи соҳилларида жойлашган Пула шаҳри мезбонлик қилади. Ушбу халқаро йиғинда юртимиз дзюдочиларидан ташқари Европанинг бир нечта мамлакат терма жамоалари ҳам машғулот ўтказишяпти. 

Режа бўйича Ўзбекистон терма жамоаси бир ҳафталик машғулотлардан сўнг Тошкентга қайтади. Қисқа муддатли таътилдан кейин эса Япониянинг Майдзуру шаҳрига жўнаб кетилади. Токио Олимпиадасига тайёргарликнинг сўнгги босқичи айнан Кунчиқар юртда ташкил этилади. Иқлимга мослашиш, маҳаллий шароитга кўникиш мақсадида эртароқ Японияга жўнаб кетилади.