02 фев 13:28
Янгиликлар

Формула-1

Айртон Сеннанинг "Формула-1"даги болиди кимошди савдосига қўйилди. Бошланғич нарх - 9,5 млн доллар! (+ФОТО)

1986 йилги мавсумда афсонавий бразилиялик пойгачи Айртон Сенна иштирок этган Lotus 98Т автомобили RM Sotheby’с аукционида сотувга қўйилди.

Қора ва олтин рангларда безатилган бу автомобиль 1986 йилги мавсумда саккизта Гран-прида қатнашган. Айнан шу машинада Сенна ўша йили иккита ғалабасини қўлга киритган - Испания Гран-приси ва Детройтдаги АҚШ Гран-приси.

Лот нархи 9,5 миллиондан 12 миллион долларгача. Агар сотув юқори чегарада амалга оширилса, автомобиль "Формула-1" тарихидаги энг қиммат пойга машиналари бешталигига кириши мумкин. Ҳозирча рекорд Хуан-Мануэль Фанхионинг 1954 йилда ишлаб чиқарилган W196Р "Мерседес"ига тегишли бўлиб турибди. Ушбу болид 2025 йилда 53,01 миллион долларга сотилган.