Азамат "Дракон" Нуфтиллаевнинг навбатдаги рақиби ва жанг санаси маълум бўлди

Оғир вазн тоифасида ўзбекистонлик ММА устаси, айни дамда Ares промоушенида жанг қилаётган 30 ёшли Азамат Нуфтиллаев (12-1-1)нинг навбатдаги жанг бўйича тафсилотлар маълум бўлди.

Унга кўра, Нуфтиллаев 8 декабрь куни Парижда бўлиб ўтадиган Ares 10 мусобақасида бразилиялик Мойзесио Брандао (7-4-0)га қарши жанг қилади.

"Ассалому алайкум, ҳаммага. Дуода бўлинглар, Ин ша Аллаҳ ютамиз", - дея мухлисларга мурожаат қилган Нуфтиллаев Инстаграмдаги саҳифаси орқали.

Азамат Нуфтиллаев сўнгги жангини 2 сентябрь куни Слим Трабелси (5-0)га қарши ўтказиб, мағлуб бўлган эди.