14 авг 10:46
Янгиликлар

Теннис

Азаренко Цинцинаттида иродали ғалабага эришди

АҚШнинг Цинцинатти шаҳрида хотин-қиз теннисчилар иштирокидаги нуфузли турнир давом этмоқда.

Дунёнинг собиқ биринчи ракеткаси Виктория Азаренко ушбу мусобақанинг илк даврасида иродали ғалабага эришди. Айни пайтда WTA рейтингида 87-ўринни эгаллаб турган беларуслик теннисчи испаниялик Карла Суарес Наваррони мағлуб этди.

Роппа-роса икки ярим соат давом этган баҳс якунида 29 ёшли Азаренко дунёнинг 25-ракеткасидан 6:7(5), 6:2, 6:4 ҳисобида устун келди. Беларуслик теннисчи 10та эйс зарбасини амалга оширди. Энди Виктория иккинчи босқичда франциялик Каролин Гарсияга қарши кортга чиқади.