Баес Сантьягода чемпион бўлди, у кетма-кет иккинчи совринини қўлга киритди

Ҳал қилувчи финал учрашувида дунёнинг 21-ракеткаси бўлиб турган аргентиналик Себастьян Баес ATP рейтингининг 51-поғонасидан жой олган мезбонлар вакили Алехандро Табилога қарши кортга чиқди ва 3/6, 6/0, 6/4 ҳисобида зафар қучди. Баес теннисчиларнинг ўзаро учрашувлари ҳисобида ҳам олдинга чиқиб олди - 2:1. 

Икки соату 16 дақиқа давом этган баҳсда Себастьян 5, Табило 4 та эйс зарбани амалга оширган. Иккала теннисчи ҳам 2 тадан қўшхатога йўл қўйди. Брейклар чемпионда кўпроқ бўлди - 5 га 2. 

Сантьяго Баес Чили турниридаги муваффақиятли иштирокидан 250 очко ва 100,640 доллар мукофот пули ишлаб олди. Бу Себастьяннинг кетма-кет қўлга киритган иккинчи соврини бўлди. У ўтган ҳафта Рио-де-Жанейродаги мусобақада ҳам чемпион бўлган эди.