28 сен 15:07
Янгиликлар

Бокс/ММА

Баҳодир Жалолов АҚШда мезбон боксчига қарши жанг қилади

Жаҳон чемпионати совриндори, бугунги кунда проф рингда фаолиятини давом эттираётган боксчимиз Баҳодир Жалолов навбатдаги жангини 29 сентябрь (Тошкентда 30 сентябрь) куни АҚШда ўтказади.

Профессионал боксдаги иккинчи жангида ҳамюртимизга мезбон боксчи Томас Хаукинс рақиблик қилади, деб хабар бермоқда МОҚ матбуот хизмати.

Маълумот учун, Баҳодир май ойида профессионал рингдаги дебютини нишонлаган ва ўшанда Уго Труилиони нокаут эвазига мағлуб этганди. Томас эса 7та жанг ўтказиб, уларнинг тўрттасини ўз фойдасига ҳал қилган (1тасида нокаут эвазига ғалаба қозонган). Учта жангда эса мағлубиятга учраган (1та жангда нокаут бўлган).