Баҳодир Жалолов Лос-Анжелес-2028 Олимпиадасида иштирок этиши ҳақида гапирди

- Париж Олимпиадаси финалидан кейин ҳаваскор бокс билан хайрлашганингизни эълон қилгандингиз. Бу фикрингиздан қайтмадингизми? Учинчи Олимпиада чемпионлиги мақсади пайдо бўлдими?

"Ҳар бир спортчининг нияти — кўп маротаба Олимпиада чемпиони бўлиш! Менда ҳам шундай ният бор, десам янглишмаган бўламан. Чунки "қани эди куч ва ғайратим бўлса, учинчи Олимпиадада қатнашсам" деган фикр олдиндан бўлган. 

Биринчи Олимпиада олтини ўзим учун эди, иккинчиси халқимиз ва юртимиз учун бўлди. Учинчиси эса бу тарих бўлади. Шундай экан, агар насиб қилган бўлса, балки тарихни янгилармиз. Лекин бу ҳали аниқ эмас. Ҳозирда бор эътиборимиз профессионал боксга қаратилган", деди Жалолов.