Баҳодир Жалолов тарозига чиқди, унинг вазни - 110 кг + ФОТО!

Баҳодир фаолиятидаги учинчи жангини Америка вақти билан бугун тунда, бизнинг вақт билан эса эртага тонгда америкалик Тайрел Райтга қарши ўтказади. Олти раундга мўлжалланган жанг Нью-Йорк шаҳридаги машҳур “Madison Square Garden” аренасида бўлиб ўтади.

Бундан бир неча дақиқа аввал боксчиларни тарозидан ўтказиш маросими бўлиб ўтди. Унда Баҳодир 243 фунт, яъни 110 кг вазнга эга экани маълум бўлди. Жалолов шу кунгача проф рингда икки маротаба жанг ўтказиб, уларнинг ҳар иккисида рақибларини нокаут эвазига мағлуб этган. 

Профессионал боксдаги фаолиятини 2012 йилда бошлаган Райт эса 13 маротаба рингга кўтарилиб, уларнинг 9 тасида ғалаба қозонган ( 6та жангда нокаут эвазига рақибларидан устун келган). Иккита баҳсда имкониятни бой берган. Яна 2 та жангда дурангга эришган.