Баҳодир Жалоловнинг навбатдаги жанги бўйича маълумот пайдо бўлди

Боиси, Жалолов таниқли промоутер Боб Арумга тегишли ушбу промоутерлик компаниясининг мижози ҳисобланади. Супероғир вазн тоифасидаги чарм қўлқоп устамизнинг 7 февраль кунги жанги ҳуснбузар сабаб бекор қилинганди. 

Жалолов Канаданинг Монреаль шаҳрида ўтказилган проф бокс оқшоми доирасида франциялик Девид Спилмонт билан жанг қилиши керак эди. Аммо ташкилотчилар Баҳодирнинг юзидаги ҳуснбузар туфайли жангни бекор қилишганди. Шундан кейин Жалолов ҳам, Спилмонт ҳам тез орада бошқа манзилда жанг ўтказишга тайёр эканликларини билдиришганди. Боксчимизнинг жамоаси француз боксчисини Тошкентга ҳам таклиф қилганди. 

Бизга етиб келган хабарларга таянадиган бўлсак, Баҳодир Жалолов 5 апрель куни Қозоғистоннинг Астана шаҳрида ташкил этиладиган катта проф бокс оқшомида жанг ўтказади. Ҳозирча унинг рақиби ким бўлиши ҳақида маълумот йўқ. 

"Барыс Арена"да ўтказиладиган турнирнинг марказий жангида ўрта вазн тоифасида IBF ва WBO йўналишлари чемпиони қозоғистонлик Жанибек Алимханули (16-0, 11 KO) келиб чиқиши конголик, ҳозирда Франция шарафини ҳимоя қилаётган Анауэль Нгамиссенге (14-0, 9KO)га қарши рингга кўтарилади.

Шунингдек, Астанадаги турнирда қозоғистонлик ака-ука Маҳмуд ва Торехан Сабирхонлар профессионал боксдаги дебют жангларини ўтказишади.