Баҳодир Жалоловнинг навбатдаги рақиби маълум

Баҳодир Жалолов навбатдаги жангини америкалик рақибга қарши ўтказади

Жаҳон чемпионати совриндори, бугунги кунда профессионал боксда фаолият олиб бораётган супероғир вазнли чарм қўлқоп устаси Баҳодир Жалолов навбатдаги жангини кимга қарши ўтказиши маълум бўлди.

Бундан бир неча кун олдин рингга кўтарилган боксчимиз профессионал фаолиятидаги учинчи жангини америкалик Тайрел Райтга қарши ўтказади.

Маълумот учун, Жалолов шу кунгача проф рингда икки маротаба жанг ўтказиб, уларнинг ҳар иккисида рақибларини нокаут эвазига мағлуб этган. Профессионал боксдаги фаолиятини 2012 йилда бошлаган Райт эса 13 маротаба рингга кўтарилиб, уларнинг 9 тасида ғалаба қозонган ( 6та жангда нокаут эвазига рақибларидан устун келган). 2 та баҳсда имкониятни бой берган. Яна 2 та жангда дурангга эришган.

Олти раундлик жанг 27 октябрь октябрь куни Нью-Йорк шаҳридаги машҳур "Madison Square Garden" аренасида бўлиб ўтади.

Эслатиб ўтамиз, Баҳодир 29 сентябрь куни мексикалик Эдуардо Вителага қарши жанг қилиб, биринчи раунддаёқ рақибини нокаутга учратганди.