"Баркамол авлод-2017". Таэквондо. Мезбонлар биринчи бўлишди

Мусобақаларнинг таэквандо WTF баҳсларида ғолиб ва совриндорлар номи маълум бўлди.

Қизлар ўртасидаги 49 кг вазн тоифасидаги баҳсларда фарғоналик Қамчибекова барча рақибларини мағлуб этиб, шохсупанинг энг юқори поғонасига кўтарилди. Кумуш медал Хоразм вилояти шарафини ҳимоя қилган Аминовага насиб этди. Қашқадарёлик Шодмонова ҳамда жиззахлик Умирова учини ўрин билан кифояландилар.

55 кг вазн тоифасида даянга чиққан жиззахлик Норматова олтин медал соҳибасига айланди. Бу вазнда фарғоналик Баҳритдинова иккинчи поғонадан жой олди. Пойтахтлик Пўлатова ҳамда Сурхондарё вилояти вакиласи Тоштемировага бронза медаллари насиб этди.

Ўғил болалар ўртасида Бобобеков 55 кгда тенгсиз бўлди. Мезбон спортчига финалда Сурхондарё вилояти вакили Ж.Гулматов имкониятни бой берган. Бухоро ва Сирдарёдан келган Ш.Султонов ҳамда С.Аҳмедов шоҳсупанинг кейинги ўрнидан жой олдилар.

Умумжамоа ҳисобида Жиззах вилояти таэквандочилари биринчи, сурхондарёлик даян усталари иккинчи, Фарғона вилояти жамоаси эса учинчи ўринни банд этди.