02 авг 17:09
Янгиликлар

Футбол

"Барселона" "Манчестер Сити"га 8 млн евро тўлашига тўғри келади

Агар "Барселона" ҳужумчи Ферран Торрес билан шартномани узайтиришни истаса, "Манчестер Сити"га 8 миллион евро тўлаши керак бўлади

Журналист Маттео Мореттонинг "Marca" нашридаги хабарига кўра, бундай банд 2022 йилнинг январь ойида футболчи Каталонияга ўтаётган вақтда каталонияликлар ва "Сити" ўртасидаги шартномага киритилган.

Торреснинг "кўк-анорранглилар" билан шартномаси бир йилдан сўнг тугайди, "Барселона" эса бир неча ойдан бери уни узайтириш бўйича ҳеч қандай фаоллик кўрсатмаяпти. Ҳозирда ҳужумчи клуб учун устувор вазифа эмаслигини тушуниб турибди.

Манба маълумотига кўра, Торрес шартномани узайтирмасдан кейинги мавсумда ҳам "Барселона"да қолиши мумкин, аммо "ПСЖ"нинг қизиқиши вазиятни ўзгартиришга қодир. Парижликлар билан музокаралар кейинги ҳафтада кутилмоқда. Ферран Торрес Каталонияда ўзини етарлича қадрланмаётганини ҳис қилаётгани учун кетишга тайёр.