“Барселона” президенти: “Ишончим комил, Месси фаолиятини “Барселона”да тугатади”

Сўнгги пайтларда матбуотда Мессининг “Барселона” билан шартномани узайтиришни пайсалга солайтгани, бу билан аргентиналик футболчининг бошқа жамоага ўтиши мумкинлиги ҳақидаги хабарлар кўпайиб кетганди. Бартомеу ўз чиқиши билан бу маълумотни кескин рад этди.

“Ишончим комил, Месси фаолиятини “Барселона”да якунлайди. У бир неча йилдан бери жамоадошларини ғалаба сари етаклаб келмоқда. Ҳавотир олманг, бу жараён ҳали узоқ давом этади”, – деди Бартомеу Marca нашрига берган интервьюсида.

Эслатиб ўтамиз, Мессининг “Барселона” билан амалдаги шартномаси 2018 йилнинг ёзида якунланади. Жорий мавсумда 29 ёшли футболчи 14та ўйинда 16та гол киритишга муваффақ бўлди.