Белбоғли кураш. Кучлилар аниқланди

Кеча якунига етган ушбу турнир 2002-2004, 2005-2006 ҳамда 2008-2010 йилларда туғилган болалар ўртасида бўлиб ўтди. Мазкур очиқ биринчиликда 100 нафарга яқин белбоғли кураш билан мунтазам шуғулланаётган спортчи болалар ўз имкониятларини синовдан ўтказишди.

Қизиқарли ва муросасиз ўтган беллашувларнинг якуний натижаларига кўра Умарбек Исаев (24 кг.), Иброҳим Абдуҳафизов (27 кг.), Азиз Норбоев (30 кг.), Ҳусан Искандаров (33 кг.), Ҳасан Искандаров (36 кг.), Асадбек Саидакбаров (40 кг.), Алишер Салимов (46 кг.), Алижон Эрметов (50 кг.), Иномжон Холдорбоев (55кг,) ҳамда  Фурқат Тўлқинов (+55 кг.)лар фахрли биринчи ўринни қўлга киритишди. 

Ғолиб ва совриндорлар Тошкент шаҳар жисмоний тарбия ва спорт жамғармаси ҳамда 2-БЎСМ томонидан диплом, медаль ва эсдалик совғалари билан мукофотланишди.

Имомали УМРЗОҚОВ, Учтепа туман 2-БЎСМ белбоғли кураш мураббийи, белбоғли кураш бўйича миллий тоифадаги ҳакам: 

- 8 декакбрь - Ўзбекистон Республикаси Кониституцияси қабул қилинганлигининг 26 йиллиги муносабати билан ўтказилган ушбу очиқ биринчиликда иқтидорли спортчилар кўплиги маълум бўлди. Мақсадимиз - ўғил-қизларни жисмоний тарбия ва спортга бўлган иштиёқини янада кучайтириш, қолаверса, Тошкент шаҳар ва Республика миллий терма жамоаларига муносиб номзодларни аниқлашдан иборат эди. Мусобақани юқори савияда, кўтарингки рўҳда ўтишида кўмакчи бўлган Тошкент шаҳар жисмоний тарбия ва спорт жамғармасига, БЎСМ директори Мамура Мухамеджановага, Ўзбекистон белбоғли кураш федерациясига, беллашув бош ҳаками Абдилазиз Маликов ва бошқа мутассадиларга шогирдларимиз ва уларнинг ота-оналари номидан миннатдорчилик билдираман.  

Илҳом РАҲМОНОВ, ўз мухбиримиз