Bellator 283. Жангчиларнинг гонорарлари маълум

Жумладан, енгил вазн тоифаси рейтингида биринчи ўринга кўтарилиб олган россиялик Усман Нурмагомедов фаолиятидаги энг катта гонорарни қўлга киритди. У биринчи раундда америкалик Кристофер Гонсалесни бўғиш усули билан мағлубиятга учратган эди. Ушбу жанг учун Усман 100 минг доллар гонорар олди. 

Лекин бу турнирнинг энг катта гонорари эмас. Нурмагомедовдан кўпроқ гонорарга турнир хедлайнери Жейсон Жексон ($191 000) ва Лоренц Ларкин ($125 000) эга чиқишди.

Яримўрта вазнда собиқ Bellator чемпиони Даглас Лима ҳам банкдаги ҳисоб рақамини 100 000 долларга бойитиб олди. Шов-шувли тарзда енгил вазн рейтинги пешқадами Сидни Аутлоуни муддатидан аввал мағлуб этган озарбайжонлик Тофик Мусаев умумий ҳисобда 70 000 доллар ишлаб олди. Ушбу сумманинг ярмини у бонус сифатида олган. 

Россияликлар Гаджи Рабаданов ва Ахмед Магомедов мос равишда 62 000 ҳамда 34 000 долларга эга бўлишди. Лоренцо Ларкинга қарши жанги ўтказилмаган дея эълон қилинган Муҳаммад Берхамов 33 000 долларлик бўлди. Қолган жангчилар 4 000 доллардан 50 000 долларгача гонорар қўлга киритишди.