Беранкис "Челленжер" туркумидаги 15-совринига эга чиқди

Мусобақа бош соврини ATP рейтингида 336-поғонада бораётган Ричардас Беранкисга насиб этди. Литвалик тажрибали теннисчи финал учрашувида рейтингнинг 215-поғонасидан жой олган франциялик Кальвин Эмеридан устун келди - 7/6(4), 7/5.

Теннисчиларнинг ўзаро учрашувларида Ричардас олдинда бормоқда - 2:0. Саксон беш дақиқа давом этган баҳсда Беранкис 11, Эмери 15 та эйс зарбасини амалга оширган. Беранкис фаолиятидаги "Челленжер" туркумига кирувчи 15-совринини қўлга киритди. У 50 рейтинг очкоси ва 5,080 доллар мукофот пулига ҳам эга бўлди. Ричардас рейтингда Топ-300`га ҳам қайтади. Эмери эса 25 очко ва 3,050 доллар ишлаб олди.