11 май 15:49
Янгиликлар

Бокс/ММА

Бейбут Шуменов WBA камари учун рингга чиқади

Икки вазн тоифасида собиқ WBA йўналиши чемпиони Бейбут Шуменов икки йиллик танаффусдан сўнг яна катта боксга қайтмоқда.

Эътиборлиси, қозоғистонлик боксчи биринчи жангининг ўзидаёқ биринчи оғир вазн тоифасида WBA чемпионлик камари учун рингга чиқади. У 7 июль куни Астана шаҳрида туркиялик 30 ёшли боксчи Хизни Алтункайяга қарши жанг ўтказади.

Туркиялик боксчи WBA рейтингида учинчи, Шуменов эса иккинчи ўринни эгаллаб турибди. WBA камари росиялик Мурат Гассиевдан сўнг вакант бўлиб қолганди.