07 июн 13:52
Янгиликлар

Теннис

Билли Жин Кинг Кубоги финали 31 йиллик танаффусдан сўнг Британияга қайтмоқда

Халқаро теннис федерацияси (ITF) Билли Жин Кинг Кубоги-2022 турнирини Шотландиянинг Глазго шаҳрида ўтказишга қарор қилди.

Шу тариқа, ушбу мусобақанинг финал босқичи 31 йиллик танаффусдан сўнг Буюк Британия ҳудудида ўтказиладиган бўлди. 8-13 ноябрь кунлари ёпиқ хард кортларда ўтказиладиган турнирда мезбонлардан ташқари, финал босқичида 11 та жамоа - Австралия, Бельгия, Канада, Чехия, Италия, Қозоғистон, Польша, Испания, Словакия, Швейцария ва АҚШ иштирок этади.

"Биринчи Билли Жинг Кинг Кубоги 1963 йил Буюк Британияда ўтказилган эди. Охиргиси эса 1991 йилга тўғри келади. 31 йилдан сўнг биз яна мезбонмиз", - дейди маҳаллий лаун-теннис Ассоциацияси (LTA) раҳбари Скотт Ллойд.

Таъкидлаш жоиз, сентябрь ойида Глазго шаҳри "Дэвис Кубоги"нинг гуруҳ босқичига ҳам мезбонлик қилади.