Билли Жин Кинг Кубоги. Яна икки ярим финалчи маълум

Швейцария терма жамоаси чорак финал учрашувида Чехиядан устун келди.

Биринчи ўйинда Маркета Вондроушова Виктория Голубични мағлуб этди - 6/4, 6/2. Иккинчи баҳсда Белинда Бенчич Барбора Крейчиковадан устун келди - 7/6 (2), 6/4. Жуфтликлар баҳсида эса Жиль Тайкманн ва Белинда Бенчич ҳамкорлиги Люс Градеcкая ва Катерина Синяковани мағлубиятга учратди - 6/3, 6/3.

Шундай қилиб, Швейцария ва Чехия терма жамоалари ўртасидаги қарама-қаршиликда 2:1 ҳисоби қайд этилди.

Австралия терма жамоаси эса Беларусни мағлуб этиб, ярим финалга чиқди.

Биринчи учрашувда Сторм Сандерс Юлия Хатукани мағлуб этди - 6/3, 6/3. Иккинчи ўйинда Айла Томлянович Александра Сосновичдан устун келди - 4/6, 6/2, 6/3. Жуфтликлар баҳсида Оливиа Гадеки ва Эллен Перес тандеми Лидия Морозова ҳамда Александра Сосновичга имкониятни бой берди - 4/6, 4/6.

Шу тариқа, Австралия ва Беларусь терма жамоалари ўртасидаги қарама-қаршиликда ҳисоб 2:1 кўринишида бўлди. Австралия терма жамоаси мусобақанинг ярим финалида Швейцария терма жамоаси билан тўқнаш келади.