Бир "классигимиз" Осиё чемпионати финалида, яна 3 нафари бронза учун курашади

Мусобақанинг илк куни юнон-рум кураши баҳсларига старт берилди ва айни пайтга келиб, финал дастурида медаллар учун гиламга чиқадиган классиклар номи маълум бўлди. Терма жамоамизнинг тўрт нафар аъзоси Осиё чемпионати медаллари учун курашиш имкониятини қўлга киритди.

Қувонарлиси, юртимиз шарафини 63 кг вазн тоифаси беллашувларида ҳимоя қилаётган Шермуҳаммад Шарибжонов 1/4 финалда япониялик Кьеза Маруямани 9-3, 1/2 финалда эса қозоғистонлик Муҳамедали Мамурбекни 6-5 ҳисобида мағлуб этди. Энди у финалда Осиё чемпионлиги учун эронлик Иман Хоссейн Муҳаммадига қарши баҳс олиб боради.     

Медаль учун курашадиган полвонларимиз:

63 кг вазн тоифаси. ФИНАЛ

Шермуҳаммад Шарибжонов (Ўзбекистон) - Иман Ҳоссейн Муҳаммади (Эрон)

55 кг вазн тоифаси бронза медали учун

Ихтиёр Ботиров (Ўзбекистон) - Тайга Ониши (Япония)

87 кг вазн тоифаси бронза медали 

Жалгасбай Бердимуратов (Ўзбекистон) - Атабек Азисбеков (Қирғизистон)

130 кг вазн тоифаси бронза медали учун

Темурбек Насимов (Ўзбекистон) - Роман Ким (Қирғизистон)