19 фев 13:14
Янгиликлар

Дзюдо

Биринчи кундан сўнг умумжамоа ҳисобида 60 давлат орасида ТОП-10`дамиз

Бугун Тошкент вақти билан соат 13:30да Тель-Авив "Катта Дубулға" турнирининг иккинчи кунги беллашувлари бошланади.

Кеча ўтказилган биринчи кунги баҳслардан сўнг медаллар жамғариш бўйича Франция терма жамоаси пешқадамга айланиб олди. Фаранглар 1 тадан олтин ва кумуш медалларини қўлга киритишган. Мезбонлар Исроил терма жамоасида ҳам 1 та олтин ва 1 та кумуш медаль бор. Биттадан олтин ва бронза медалига эга Испания терма жамоаси кучли учликка якун ясаган.

Буюк Британия ва Озарбайжон терма жамоалари ҳам кечаги кун баҳсларида биттадан олтин медалга эга чиқишди. Украина ва Беларусь дзюдочилари биттадан кумуш, Венгрия ҳамда Ўзбекистон спорт делегациялари 2 тадан бронза медалига эга бўлган ҳолда 9-поғонадан жой олишган. Биздан кейинги ўринларда Россия, Қозоғистон терма жамоалари боришяпти. Жами 46 та давлат терма жамоаларида ҳали битта ҳам медаль йўқ.