05 сен 15:50
Янгиликлар

Теннис

Биринчи рақам остида таснифланган Сабина Загреб турнирида кортга чиқди

Шу кунларда Хорватиянинг Загреб шаҳрида теннис бўйича "Фьючерс" туркумига кирувчи турнир давом этмоқда.

Турнирнинг соврин жамғармаси 60 000 АҚШ долларини ташкил этиб, унда ҳамюртимиз Сабина Шарипова биринчи рақам остида таснифланган эди. Сабинанинг илк даврадаги рақиби руминиялик Александра Каданцу бўлди.

Ҳозиргина якунига етган ва 1 соату 21 дақиқа давом этган баҳсда Шарипова рақибасига 1:6, 3:6 ҳисобида имкониятни бой бериб қўйди. Шарипова дунё рейтингида 123, Каданцу эса 251-ўринни эгаллаб турганди. Иккинчи теннисчи ўртасидаги ўзаро учрашувлар ҳисоби 4:0 кўринишига келди.