26 июн 14:50
Янгиликлар

Теннис

Бирмингем (WTA): Квитова бош мукофот соҳибаси!

Англиянинг Бирмингем шаҳрида теннис бўйича Birmingham Classic турнири якунланди.

Premier тоифасига кирувчи, соврин жамғармаси 846 000 еврони ташкил қилган мусобақанинг финал учрашувида чехиялик Петра Квитова ҳамда австралиялик Эшли Барти ўзаро тўқнаш келишди.

Бир соату 47 дақиқа давом этган баҳсда дунёнинг 16-ракеткаси бўлган 27 ёшли Квитова 4:6, 6:3, 6:2 ҳисобида зафар қучди. Ушбу муваффақиятли иштирок Петрага 153,515 евро ҳамда 470 рейтинг очкосини келтирди.