27 ноя 15:35
Янгиликлар
Оғир атлетика
Бишкек турнирида иккинчи олтин медаль қўлга киритилди
Бишкек шаҳрида қирғизистонлик Олимпия чемпиони Қанибек Османалиев соврини учун ўтказилаётган XXXVI халқаро турнирнинг иккинчи кунида Ўзбекистон терма жамоаси аъзоси муваффақиятга эришди.
Эркаклар ўртасида -81 килограмм вазн тоифасида баҳсларда қатнашган Самарқанд вилояти оғир атлетика спорт мактаби тарбияланувчиси Ҳикматилло Ҳайдаров даст кўтаришда 145 кило, силтаб кўтаришда 172 кило тошни бўйсундирган ҳолда олтин медални қўлга киритди.
Ушбу вазн тоифасида кумуш ва бронза медаллари қозоғистонлик ва қирғизистонлик спортчиларга насиб этди.
Эслатиб ўтамиз, мазкур халқаро турнирнинг илк кунги баҳсларида терма жамоамиз аъзоси Диёрбек Одилов -61 килограмм вазн тоифасида олтин медалга сазовор бўлган эди.
Ҳавола :
Манба : uza.uza
Фикрлар