27 май 11:33
Янгиликлар

Бокс/ММА

Биспинг ўзини бир кўзли жангчи деган Конорга "ответ" қилди

Ўрта вазнда собиқ UFC чемпиони Майкл Биспинг ирландиялик Конор Макгрегорга муносиб тарзда жавоб қайтарди.

Икки вазн тоифасида собиқ UFC чемпиони Биспингни бир кўзли жангчи деб атаганди. Ирландиялик айнан Майкл мағлуб этган Андерсон Сильвани UFC тарихидаги машҳур жангчилар қаторига киритганди.

"Нима ҳам дердим, бир кўзли жангчи айнан сен осмонга кўтарган Сильвани мағлубиятга учратганди. Мабодо, эсдан чиқарган бўлсанг, буни билиб қўй. Сен уни ўз рейтингингда биринчи ўринга қўйибсан. Конор, сенинг фикрлашинг жуда ғариб", — деди британиялик Биспинг.

Эслатиб ўтамиз, Майкл Биспинг 2016 йилнинг февраль ойида Андерсон Сильвани ҳакамларнинг бир овоздан берган баҳосига кўра мағлубиятга учратган эди. Майкл фаолияти давомида орттирган жароҳатлари оқибатида бир кўзини "сунъийлаштирган" эди.