10 фев 13:50
Янгиликлар
Бокс/ММА
Бивол ва Бетербиев ўртасидаги учинчи жанг қай ҳолатда ўтказилиши маълум бўлди
Профессионал бокс оламининг асосий инвесторига айланган Турки ал-аш-Шейх боксчилар Дмитрий Бивол ва Артур Бетербиев ўртасидаги учинчи жангни ўтказиш шартларини маълум қилди.
The Ring нашрининг Турки ал аш-Шейхга таяниб хабар беришича, бу фақат Бивол реванш жангида Бетербиевни мағлуб этган тақдирдагина амалга ошади.
Бетербиев ва Бивол ўртасида яримоғир вазнда мутлақ жаҳон чемпионлиги учун биринчи жанг 2024 йилнинг 12 октябрь куни Ар-Риёдда бўлиб ўтганди. Ўшанда 12 раунд тўлиқ давом этган жангда Бетербиев ҳакамлар қарори билан ғалаба қозонган эди.
Боксчилар ўртасидаги реванш жанги 22 февраль куни айнан Ар-Риёд шаҳрида бўлиб ўтади. Ўша оқшомда ҳамюртимиз Исроил Мадримов WBC Interim чемпиони америкалик Вержил Ортисга қарши рингга кўтарилади.
Ҳавола :
Манба : TheRing
Фикрлар