BNP Paribas Open. Дунёнинг учинчи ракеткасини мағлуб этишди

Дунёнинг учинчи ракеткаси Александр Зверев мусобақанинг иккинчи даврасида ATP рейтингида 39-поғонадан жой олиб турган америкалик Томми Полга 2/6, 6/4, 6/7(2) ҳисобида имкониятни бой бериб қўйди. 

Икки соату 17 дақиқа давом этган баҳсда германиялик 24 ёшли Зверев 6 та, Томми эса 1 та эйс зарбасини ижро этган. Теннисчиларнинг ўзаро учрашувларидаги ҳисоб 2:0 кўринишига келди. Энди Пол BNP Paribas Open турнирининг учинчи босқичида австралиялик Алекс Де Минаурга қарши кортга чиқади. Алекс ватандоши Жон Миллмандан устун келган - 7/6(4), 6/3.