22 дек 18:35
Янгиликлар

Дзюдо

Бобонов ва Юсупов бронза медали учун татамига чиқади

Исроилда якунига етиб бораётган дзюдо бўйича Мастерс мусобақасининг охирги кунида кечки дастурда медаллар учун кураш олиб борадиган полвонлар номи маълум бўлди.

Унга кўра, икки нафар ҳамюртимиз учинчи ўрин учун татамига чиқишади.

Жаҳон чемпиони Давлат Бобонов (-90 кг) иштирокидаги бронза медали учун баҳс кечки дастурни бошлаб беради. Унда ҳамюртимиз грузиялик Лука Майсурадзе билан ҳисоб-китоб қилади. +100 кг тоифасидаги Алишер Юсупов эса шоҳсупага кўтарилиши учун мўғулистонлик Сенсенсенгель Одхуни мағлубиятга учратиши керак бўлади.