Бокс бўйича Қозоғистон терма жамоаси бош мураббийи: "Барча ҳакамлар ўзбекларга ёрдам берди"

"Тан олиш керак, 5-6 та жангда ўзбекларга ҳақиқатдан ҳам ютқаздик. Улар бу турнирда асосий таркиби ҳаракат қилишди. Бизда асосий таркибдан биргина Маҳмуд Собирхон бор эди ва у турнирда ғолиб чиқди.

Шунингдек, Нурлан Сапарбай ҳам учинчи бўлди. Ярим финалда у ўзбек боксчиси билан жанг қилди: Боксчимиз биринчи раундда ғалаба қозонди, бироқ барча ҳакамлар рақибга 5:0 ҳисобини беришди. Нега бундай қилишди?! Бундай жанглар кўп бўлди – барча ҳакамлар ўзбекларга ёрдам берди. Нега? Чунки улар Ўзбекистонда ўтказилган U-22 Осиё чемпионатида ҳам ҳакамлик қилишди. Тошкентда ишлаган ҳакамлар уларга ёрдам берди. Сабаби, мусобақада уларни яхши кутиб олишди, овқатлантиришди. Ҳар бирига алоҳида совға беришди. Шунинг учун ҳам Ўзбекистон вакиллари мезбонларга қарши жанг қилганида ҳам ғалабаларни уларга беришди", - дея фикр билдирди Сатжанов.

Эслатиб ўтамиз, “Странжа” мусобақасида Ўзбекистон терма жамоаси 6 та олтин медаль билан эркаклар ўртасида умумжамоа ҳисобида биринчи бўлди. Қозоқлар эса 2 тадан олтин ва кумуш ва 5 та бронза медаль билан учинчи бўлишди.