Бокс. Мирзахалиловнинг қозоғистонлик эхтимолий рақиби ғалаба билан бошлади

Боксда асосий рақибимиз ҳисобланган Қозоғистон терма жамоаси вакиллари Олимпиададаги юришини ишончли ғалаба билан бошлади. -57 кг вазн тоифасида иштирок этаётган Серик Темиржанов илк жангини венгриялик Роланд Галошга қарши ўтказди. Учрашув қозоғистонликнинг 5:0 ҳисобидаги ғалабаси билан якунланди. Эътиборлиси, Темиржанов жанг давомида рақибини икки бор нокдаун ҳолатига туширди.

Маълумот учун, ушбу вазн тоифасида юртимиз шарафини Миразизбек Мирзахалилов ҳимоя қилади. Боксчимиз чорак финалда қозоғистонлик Темиржановга қарши жанг қилиши мумкин.