Бокс. Осиёнинг 13та номинация бўйича ғолиб ҳамда даъвогарлари (тўлиқ версия)

Ушбу номинациялар бўйича кўрсатилган номзодлар онлайн-овоз бериш йўли орқали аниқланди. Survey Monkey тизими орқали ўтказилган сўровномада Осиё бокс конфедерацияси учун рекорд қайд этилди. Онлайн сўровда 6 675та овоз тўпланди. 

Йилнинг энг яхшиларини аниқлаш илк бор 2013 йилда амалга оширилганди. Ўша йили 2012 йилги мавсум қаҳрамонлари аниқланган Филиппиннинг Субик-Бэй шаҳрида ўтказилган Осиё чемпионати доирасида тақдирланган эди. Ўшандан бери мунтазам равишда Осиёнинг энг яхшилари аниқлаб келинмоқда.  

The Best of the Asians 2018 ғолиблари:

1. “Йилнинг энг яхши эркак боксчиси” - Исроил Мадримов, Ўзбекистон, 75 кг

Қозоғистонлик Данияр Елеусинов ва ҳамюртимиз Шаҳрам Ғиёсовдан сўнг ўрта вазн (75 кг) тоифасида яна бир чарм қўлқоп устамиз Исроил Мадримов “Йилнинг энг яхши эркак боксчиси” номинациясида ғолиб бўлди. Осиё ўйинлари байроқдори бўлган Исроил финалда жаҳон чемпионатининг кумуш медали совриндори қозоғистонлик Абилхан Аманкулни мағлубиятга учратиб, олтин медални қўлга киритганди. Абилхан Қозоғистон спорт делегациясининг байроқдори эди. Мадримов қитъа ўйинларининг ярим финалида Филиппиннинг биринчи рақамли юлдузи Эумир Феликс Марсиалдан устун келганди.

Овоз бериш якунлари: 

1. Исроил Мадримов (Ўзбекистон) 46,76% 

2. Амит Пангал (Ҳиндистон) 28.03% 

3. Иқболжон Холдоров (Ўзбекистон) 11,02%

2. “Йилнинг энг яхши халқаро тоифадаги техник мутахассиси - Дилшод Казаков (Ўзбекистон)

2017 йили Ўзбекистон терма жамоаси шифокори Дилшод Казаков ушбу сўровномада иккинчи ўринни эгаллаганди. Ҳиндистонлик Ленни Д'Гама мазкур номинация ғолиби бўлган эди. Бу сафар ўринлар алмашди. Казаков бу йил Венгриянинг Будапешт шаҳида ўтган ёшлар ўртасидаги жаҳон чемпионати, Аргентинанинг Буэнос-Айрес шаҳри мезбонлик қилган Ёшлар Олимпиадасида ишлади. 

Овоз бериш якунлари:

1. Дилшод Казаков (Ўзбекистон) 44,31% 

2. Ленни Д'Гама (Ҳиндистон) 26,08% 

3. Ван Абдул Ҳамид (Малайзия) 8,11%

3. “Йилнинг энг яхши ҳаками” - Александр Ҳамидов (Ўзбекистон)

Александр Ҳамидов учун 2018 йил омадли ва баракали келди. У Ҳиндистоннинг Нью-Дели шаҳрида ўтган аёллар ўртасидаги жаҳон чемпионатида энг кўп жангларда ҳакамлик қилган рефери бўлди. Шунингдек, Ҳамдўстлик ўйинлари, Жаҳон Бокс Серияси (WSB) доирасидаги жангларда ҳам ҳакамлик қилди. 

Овоз бериш якунлари:

1. Александр Ҳамидов (Ўзбекистон) 31,68% 

2. Ермек Суйениш (Қозоғистон) 27,09% 

3. Фарҳод Кавасжи (Ҳиндистон) 11% 

4. “Йилнинг энг яхши миллий федерацияси - Ўзбекистон бокс федерацияси

Ўзбекистон терма жамоаси боксчиларининг Рио Олимпиадаси ҳамда Осиё ўйинларида умумжамоа ҳисобида биринчи ўринни эгаллаши, Будапештда ўтган ёшлар ўртасидаги Осиё, Бангкок мезбонлик қилган жаҳон чемпионатидаги муваффақиятли иштироки, Буэнос-Айресдаги Ёшлар Олимпиадасида боксчиларимизнинг чемпион ва совриндор бўлиши бу эътироф қанчалик тўғри эканлигини англатиб турибди. 

Овоз бериш якунлари:

1. Ўзбекистон бокс федерацияси 41,74% 

2. Ҳиндистон бокс федерацияси 36,64%

3. Таиланд бокс ассоциацияси 11,31%

5. “Йилнинг энг яхши аёл боксчиси” - Ли Кюан (Хитой) 75 кг

Овоз бериш якунлари:

1. Ли Кюан (Хитой) 39.09%

2. Мэри Ком Хмангте (Ҳиндистон) 36.29% 

3. О Ён Жи (Жанубий Корея) 8.72%

6. “Йилнинг энг яхши ёш боксчиси” - Атичай Фоемсап (Таиланд) 60 кг

Ушбу сўровномада таиландлик боксчи ғолибликни қўлга киритди. У йилнинг уччала йирик мусобақасида ҳам олтин медалга сазовор бўлди. 18 ёшли Атичай ёшлар ўртасида Осиё чемпиони, жаҳон чемпиони ҳамда Ёшлар Олимпиадаси ғолибига айланди. Ҳамюртимиз Абдумалик Ҳалоков уч фоиздан сал кўпроқ овоз кам тўплаб, иккинчи ўринни банд этди. Абдумалик ҳам бу йил санаб ўтилган мусобақаларда биринчи бўлганди. Лекин сўровномада у иккинчи ўринни эгаллади. 

Овоз бериш якунлари:

1. Атичай Фоэмсап (Таиланд) 38.32% 

2. Абдумалик Ҳалоков (Ўзбекистон) 34.77% 

3. Айбек Оралбай (Қозоғистон) 13.91%

7. “Йилнинг энг яхши ёш (аёл) боксчиси” - Сакши Чоудхари (Ҳиндистон) 57 кг

Овоз бериш якунлари:

1. Сакши Чоудхари (Ҳиндистон) 67.36% 

2. Ниту Гангас (Ҳиндистон) 13.44% 

3. Дина Исдамбекова (Қозоғистон) 13.07%

8. “Йилнинг энг яхши ўсмир боксчиси” - Кейшам Санжит Сингх (Ҳиндистон) 46 кг

Овоз бериш якунлари:

1. Кейшам Санжит Сингх (Ҳиндистон) 31.61% 

2. Ерассил Жакпеков (Қозоғистон) 21.18% 

3. Халид Алиев (Қирғизистон) 18.94%

9. “Йилнинг энг яхши ўсмир (қиз) боксчиси” - Арундхати Чаудхари (Ҳиндистон) 66 кг

Овоз бериш якунлари:

1. Арундхати Чаудхари (Ҳиндистон) 29.09% 

2. Элдана Талипова (Қозоғистон) 28.89% 

3. Комал (Ҳиндистон) 18.45%

10. “Йилнинг энг яхши осиёлик WSB боксчиси” - Муҳаммад Эташ Хан (Ҳиндистон) 56 кг

Овоз бериш якунлари:

Ушбу номинацияда бир йўла икки боксчимиз - Баҳодир Жалолов ва Олимпиада чемпиони Шаҳобиддин Зоиров кучли учликдан жой олишди. Лекин ғолиблик ҳиндистонлик чарм қўлқоп устасига насиб этди. 

1. Муҳаммад Эташ Хан (Ҳиндистон) 31.16% 

2. Баҳодир Жалолов (Ўзбекистон) 25.58% 

3. Шаҳобиддин Зоиров (Ўзбекистон) 18.42%

11. “Йил кашфиёти” - Гаурав Соланки (Ҳиндистон) 52 кг

Эътиборлиси, бу номинацияда ҳам ўзбекистонлик икки боксчи кучли учликдан жой олди. Лекин бу сафар ҳам ҳиндистонлик боксчи энг кўп овоз билан биринчи бўлди. Бироз шубҳали ҳолат. Жуда кўп номинацияларда ҳиндистонликлар биринчи ўринни банд этишди.

Овоз бериш якунлари:

1. Гаурав Соланки (Ҳиндистон) 39.35% 

2. Миразизбек Мирзаҳалилов (Ўзбекистон) 30.32% 

3. Шунқор Абдурасулов (Ўзбекистон) 10.98%

12. “Йилнинг энг яхши мураббийи” - Рафаэлле Бергамаско, Ҳиндистон/Италия

Овоз бериш якунлари:

1. Рафаэлле Бергамаско, Ҳиндистон/Италия 29.32% 

2. Галимбек Кенжабаев (Қозоғистон) 26.58% 

3. Данияр Жусубалиев (Қирғизистон) 9.13%

13. “Йилнинг энг яхши супервайзери” - Аслан Игубаев (Қозоғистон)

Овоз бериш якунлари:

1. Аслан Игубаев (Қозоғистон) 34.67% 

2. Шелли Селовати хоним (Индонезия) 23.17% 

3. Муҳаммад Камол Шбиб (Сурия) 14.56%