04 июн 16:25
Янгиликлар

Дзюдо

Болтабоев ва Йўлдошев бронза медали учун татамига чиқади

Теглар : Шарофиддин Болтабоев Муроджон Йўлдошев

Тбилиси шаҳрида "Катта Дубулға" туркумига кирувчи нуфузли турнирнинг иккинчи кунги саралаш беллашувлари якунига етди.

Саралаш баҳсларидан сўнг икки дзюдочимизнинг кечки дастурда бронза медали учун татамига чиқиши ойдинлашди. Чорак финалда мағлубиятга учраган Шарофиддин Болтабоев ва Муроджон Йўлдошев ўтиш беллашувида рақибларидан устун келишди.

-81 кг вазнда курашаётган Шарофиддин Болтабоев вазари эвазига тожикистонлик Шодмон Ризоевни, -73 кг вазн тоифасидаги Муроджон Йўлдошев эса яна бир тожик дзюдочиси Муҳаммадраҳим Сарахановни мағлубиятга учратди.

Бронза учун баҳс:

Муроджон Йўлдошев (Ўзбекистон) - Петру Пеливан (Молдова)

Шарофиддин Болтабоев (Ўзбекистон) - Зелим Ткаев (Озарбайжон)