Ботир Аҳмедов ҳам АҚШга жўнаб кетди + ФОТО

Суперенгил вазн тоифасидаги проф боксчимиз Ботир Аҳмедов бугун эрта тонгда навбатдаги жангига тайёргарлик кўриш мақсадида Қўшма штатларга жўнаб кетди. Бу ҳақда спортчи ижтимоий тармоқдаги саҳифаси орқали маълум қилмоқда.

"Янги чўққиларни забт этиш вақти келди! Тайёргарлик учун кетяпмиз. Янгиликларни кузатиб боринг. Қўллаб-қувватлаганингиз учун барчангизга раҳмат", - деб изоҳ қолдирди Аҳмедов тегишли фотони илова қилиб.